كنت كتبت هنا منذ مدة عن مصر للطيران و تجربتي معاها و لكن عشان الحق احق بأن يتبع فانا اقر و اعترف و انا في كامل قوايا العقلية ان المرة دي كانت السفرية جميلة جدا . طاقم ضيافة ايه كله مبتسم بحق و حقيق مش ابتسامات صفرا من اللي توجع القلب و تعمدت ارهق المضيف و شربت شاي و نسكافيه و بيبسي و عصير و غيرت رأيي ميت مرة و مع ذلك كان مبسوط و ما ادانيش كلمتين في جنابي و كمان التيك اوف و اللاندنج كان حرير في حرير . و انا خارج قلت لكل مضيف و مضيفة قابلته اكسلنت جوب و اكسلنت كرو . واحد منهم قالي هتلاقي و انت خارج من باب الطيارة واحد اسمراني و طويل و على كتفه اربع شرايط قله كده و النبي . الظاهر ده الريس بتاعهم وفعلا قلتله .
بجد شكرا مصر للطيران الرحلة 649 القاهرة الرياض . واجهة حلوة اوي لكل المصريين و يا ريت كل الطيارات كده .
بس عندي سؤال اكسفت اسأله لحد من المضيفين و المضيفات . هو ليه مش بيوزعوا علينا الهيد فون عشان نسمع الاغاني او الراديو اللي في الطيارة و ليه مش بيشغلوا فيلم على العشرين تلاتين شاشة .؟؟ حد يعرف ليه ؟
Jun 23, 2007
مصر للطيران و ارجاع الحق لاصحابه
كنت كتبت هنا منذ مدة عن مصر للطيران و تجربتي معاها و لكن عشان الحق احق بأن يتبع فانا اقر و اعترف و انا في كامل قوايا العقلية ان المرة دي كانت السفرية جميلة جدا . طاقم ضيافة ايه كله مبتسم بحق و حقيق مش ابتسامات صفرا من اللي توجع القلب و تعمدت ارهق المضيف و شربت شاي و نسكافيه و بيبسي و عصير و غيرت رأيي ميت مرة و مع ذلك كان مبسوط و ما ادانيش كلمتين في جنابي و كمان التيك اوف و اللاندنج كان حرير في حرير . و انا خارج قلت لكل مضيف و مضيفة قابلته اكسلنت جوب و اكسلنت كرو . واحد منهم قالي هتلاقي و انت خارج من باب الطيارة واحد اسمراني و طويل و على كتفه اربع شرايط قله كده و النبي . الظاهر ده الريس بتاعهم وفعلا قلتله .
بجد شكرا مصر للطيران الرحلة 649 القاهرة الرياض . واجهة حلوة اوي لكل المصريين و يا ريت كل الطيارات كده .
بس عندي سؤال اكسفت اسأله لحد من المضيفين و المضيفات . هو ليه مش بيوزعوا علينا الهيد فون عشان نسمع الاغاني او الراديو اللي في الطيارة و ليه مش بيشغلوا فيلم على العشرين تلاتين شاشة .؟؟ حد يعرف ليه ؟
Subscribe to:
Post Comments (Atom)
2 comments:
فى اوروبا و الدول المتقدمة بيقروا الصمدية علشان الطياره متقعش
مش تقولى هيدفون
استغفر الله العظيم
على العموم
سمدلله على الحلامة يا فندم
هاها
الحمد لله على سلامتك يا أبو عمرو
وموضوع الهيد فون ده أكيد يا إما رقابة علشان ما تسمعش حاجة مالهاش لازمة
يا إما الباشاوات في مطار القاهرة ظبطوا الطيارة سايلانت قبل ما تطلع
ربنا يوفقك يا جميل
Post a Comment