رسائل حب

دي رسايل موبايل جاتلي و أنا مسافر في مهمة عمل لمدة 5 أيام في ليبيا و معاها تعليقاتي عليها – حبيت اشركم فيها – لأنها رسايل حب في شبكة الإحساس و الحنان

من ست البنات قبل الطيران بثلاث ساعات

ترجعلنا بالسلامة إن شاء الله و لعمورتي الصغننة و لينا يا رب دائما دوما أحس إنها بتحاوطنا كلنا بالحنان و الخوف الأخوي الجميل – بحب دايما و هي بتحاجي علينا

من ابيه الساعة 9.37 مساءا

حمد الله على سلامتك – ليبيا نورت – وحشتنا اوردي ( already ) ترجعلنا بكل سلامة ان شاء الله ياااااااااااااه الرسالة دي حكايتها حكاية ... زي كل رجل اعمال مهم ) طبعا بتريق لاني لا رجل اعمال و لا حاجة ) مسافر كام يوم شغلت التجوال و الرسالة دي جت و انا لسه في الطيارة ما لمستش ارض مطار طرابلس . بزمتكم ايه احلى و لا اسرع و لا اجمل من كده– كنت عاوز اقف في الطيارة و اقول لكل الركاب انا احسن منكم كلكم انا حد مستنيني يقولي حمد الله على السلامة بس في مصر . كنت مبسوط اوي ... عارفين احساس غريب في بلاد غريبة و فجأة تلاقي طوق نجاة يطمنك ... الرسالة دي عملت كده

من ابيه اول يوم الساعة 9.30 صباحا

Wishing you best of luck on the exhibition. Have a wonderful day انا صحيت على الرسالة دي ( لو كنت نمت اصلا ) بعد رحلة شاقة مليئة بكل المفاجآت من نوعية انتظار في المطار لمدة ثلاث ساعات بين الجوازات و انتظار السيارات اللي طلعت ميكروباز من ماركة اربعة ورا و بعدين سفر لمدة ثلاث ساعات و الوصول لفندق الكلوب الحسيني نجمة الا ربع و عدم وجود غرفة على الرغم من اني حاجز من قبلها بخماشر يوم و سكنت الساعة 6 الصبح ثم جت الرسالة دي ... كانت كانها بتقول ارمي يا واد ورا ظهرك صباحنا فل و تأثيرها ما قلوكوش – تحفة

من ست البنات الساعة 11.30 صباحا اول يوم

صباح الخير و حمد الله على السلامة و ترجع بالسلامة لبيتك و لينا و شد حيلك في المعرض اوي - جرعة تشجيعية هائلة - ناس على بعد 2000 كيلو متر و فارق توقيت ساعة و لكن قلوبهم حوليك - رهيبة ست البنات تحسسك ان ليها اكبر ايدين في الدنيا محاوطة بيها كل اللي بتحبهم في الله – ربنا يخليكي

من الملاك الساعة 4.30 العصر اول يوم

ممكن اقول لاخويا الغاليي اوي – الدنيا هنا مضلمة اوي في غيابك – وحشتنا اوي

اخر مرة كنت هعيط لما كنت بابوس ابني و انا مسافر – ملاكنا الجميل اصر اني اعيط ادام الناس في المعرض – هزتني الرسالة دي حاولت اتصل بالملاك معرفتش عشان اقولها و انتوا كمان من قبل ما اسيبكم و انتوا واحشيني يا احلى ناس و صحبة

من ست البنات الساعة 9 ليلا اول يو م

اخبارك ايه في بلاد القرود؟ يا رب تكون احسن ترجع لينا بالسلامة يا رب -كنت اتصلت بيها و قلتلها اني هعمل مذكرات الرحلة و اسميها رحلات محمود في بلاد القرود . واخدين بالكم من ترجع لينا بالسلامة كل مرة – عاوزة تزقك بكل حب عشان تقولك ارجع يا واد و حشتنا و كل مرة الاقي ترجعلنا بالسلامة كنت بشوفها و هي راكعة و بتدعي بذلك – يا ست البنات يا اجدع بنوتة في الدنيا

من الملاك 9.30 ليلا تاني يوم

انا بس بمسي يا زومل ( زميل يعني ) الخط مظلم اوي حتى مع الفلاشر – وحشتنا اوي

يا سيدي على الملايكة لما تسوق ميكروبزات – اصل انا و الملاك دايما بنتخيل اننا سواقين ميكروبازات على خط الالف مسكن مساكن – فكانت بتواسيني بان الخط مظلم – اه يا قلبي يا ني نفسه يتحد مع العقل و يشوف كلمة اقوي من بحبكم اوي بس للأسف مش لاقي

من ست البنات 8.30 مساءا تالت يوم

اخبار ليبيا ايه و النادي الليبي ايه يا رب تكون الامور اتحسنت

عارفين معكم لحظة بلحظة نتابع الاخبار و الانباء فتابعونا – ست البنات كده – مش بقولكم واخدة في حضنها و دايسة على الرابع اخواتها البنات و الولاد في الله

من ابيه 9.00 مساءا تالت يوم

حودة ازيك ؟ ممن تشوف البدر الجميل النهاردة . وحشتنا جدا -كله واخد باله من وحشتنا و ترجعلنا في الرسايل – الكل في واحد شامبو وبلسم – بجد الله على احنا دي – ملقتش زيها غير معاكم يا صحبة الجنة ان شاء الله . و شوف الاحساس لما يكون عالي عند انسان و يشوف البدر و يعجب بيه و شوفوا المرحلة اللي بعد الاحساس العالي و اسمها حب ان كل اللي يحبهم يحسوا باللي حاسس بيه و يبعت رسالة و ما يبخلش على اللي بيحيه بالجمال عشان هيشوفه اجمل معاه – اه يا ابيه لو تعرف انك انت البدر مش اللي في السما

من اسمر النيل 3.49 ظهرا رابع يوم

Can not find Egypt air Tripoli from vodaphone I will try with Egypt air1717

-يا عيني عليك يا سمارة طلبت منه نمرة فرع مصر للطيران في طرابلس عشان تأكيد الحجز بدل ما يتلغي – و كنت ناسي انه في دمياط بينقي عفشة عشان هيتجوز – شغل نفسه في وقت مينفعش يكون فيه غير انه يكون انسان اناني زي أي واحد طبيعي بينقي عفشه – لكن لانه مش طبيعي و لان وظيفتة في البطاقة اسعاد الاخرين سال مرة و اتنين و تلاتة – يا سمارة حياتنا من غيرك ناقصة الابتسامة – ربنا يخليك لينا

من ست البنات اخر يوم 3.20 الظهر

شد حيلك كام ساعة و تبقى في وسطنا بالسلامة ان شاء الله

-ياه يا ست البنات – حاسة بحيلي اللي انقطع و بتقولي اشده – حد يعرفكم و يحبكم و ما يشدش حيله – ازاي ؟؟؟؟؟؟!!!! انتوا سندي و ظهري اللي بستر نفسي من الايام و اللي فيها بيه – خدوا بالكم من وسطنا

من الملاك اخر يوم الساعة 10.30 مساءا

اقول حمد الله على السلامة ؟ مفيناش من غربة تاني

قبل ما اركب الطيارة بساعة من ليبيا – يا ملاكنا الجميل – الغربة مش السفر – الغربة زي ما قلتيها قبل كده مش عارفة افرح الا وسطيكم و لا احزن الا معاكم – كلمتها بعد الرسالة حسيت اني عاوز اقولها يا احلى ملاك في الدنيا انتوا بتقولوا وحشتنا و انا عاوز اقول الدنيا وحشة اوي من غيركم

من ابيه 1.10 الفجر اخر يوم

Nawart masr Nawart masr Nawart masr Nawart masr Nawart masr Nawart masr Nawart masr Nawart masr Nawart masr Welcome to Egyptian satellite channels

نفس الحركة بتاعة الوصول الى ليبيا بس طبعا لا تخلوا من الفكاهة بس بجد ما حسيتش اني نورتها الا لما رميت نفسي في حضن ابيه الساعة 3 الفجر في صالة 3 بمطار القاهرة كنت عاوز اقوله حضنك منور جوايا يا ابيه و مصر كلها منورة بحنانك لا و ايه كمان لقيتوا جايب عدد الدستور اللي ملحقتوش و انا في ليبيا . تفصيلة يمكن تكون صغيرة لكن حنينة اوي

من ست البنات 2.00 الفجر

نورت مصر يا ابو عمرو

-كانت صاحية و موصية ابيه اول ما انزل في المطار يبعتلها رسالة اني جيت عشان تسلم عليا – اه يا ست البنات رسالتك كانت الف ايد بيسلموا و الف بسمة بتقول حمد الله على السلامة . أسف على الاطالة و لكن تبقى كلمة

حروفنا تتكرر كل يوم

و لكن هل تتكرر مع الاشخاص

اشك في ذلك

فمن رويت عنهم و هناك اخرون

تجد حروفك معهم براقة سلسة تسبقك في خطها على الورق او الكمبيوتر

لان حبرها ليس عاديا

مدادها حبك لهم و حبهم لك

ربنا ما يحرمنيش منكم

They are robbing our history

As usual tried a nice search on Google about "6th of October " just to see how the Western world see that war . I will give two examples

1 - wikipedia : They wrote that we ( Egypt and Syria ) felt psychologically vindicated by its string of victories early in the conflict. This vindication paved the way for the peace process that followed, as well as liberalizations such as Egypt's infitah policy. I let the rest for you to read

2 - history channel They also call it YOM KIPPUR . they say " When the fourth Arab-Israeli war began on October 6, 1973, many of Israel's soldiers were away from their posts observing Yom Kippur, and the Arab armies made impressive advances with their up-to-date Soviet weaponry. Iraqi forces soon joined the war, and Syria received support from Jordan. After several days, Israel was fully mobilized, and the Israel Defense Forces began beating back the Arab gains at a heavy cost to soldiers and equipment. A U.S. airlift of arms aided Israel's cause, but President Richard Nixon delayed the emergency military aid for seven days as a tacit signal of U.S. sympathy for Egypt" I leave the rest for you to read The point is We leave them to control everything in our life .Our governors and presidents became like chocolate soldiers in their hands.But to leave the history like this and to let them manipulate our victory ( only proven one ) .I will not be astonished after 15 years from now when my son Amr tells me that Hassan Nasr Allah is a terrorist and ought to be hanged because he kidnapped poor jewish soldiers. Please do not forget , they want to wipe our memory to make our kids with no history

ورقة التوت الاخيرة

عندما شاهدت لقاء السيد حسن نصر الله مع غسان بن جدو في قناة الجزيرة أحسست أن هذا الرجل كأنه ورقة التوت الأخيرة التي تغطي سوأتنا تغطي عارنا و تخاذلنا و عهرنا السياسي و تذكرت كلمة قرأتها في الدستور لإبراهيم عيسى مصر تتصل و كان هذا هو رد فعلنا عن ما يحدث في لبنان و كأن مصر تفرغت لتصبح مشترك بخط الو أحسست بألم الرجل الهمام حسن نصر الله حين قال لا نريد سيوف العرب و لا انحيازهم لنا كل ما نريده أن يفكوا عنا يعني من الأخر مش قادر تشجب اكتم يا بعيد و ما تعملش مظلة تغطية لتدمير لبنان بلال فضل كان هناك و كتب في الدستور عن الترحاب السوري للفارين من الجحيم اللبناني سوريا تفتح أبوابها للأشقاء العرب ما دام الأشقاء يفتحون جيوبهم تضامن عربي جميل جدا بمبدأ شخشخ جيبك تدخل بسلام فقير و العياذ بالله خليك في لبنان و نام لقد أسمت الجزيرة ما يحدث الحرب السادسة و اعتقد انه يسمى الإبادة الجديدة بمظلة عربية سعيدة أترككم لقصيدة جميلة جدا للشاعر محمد بهجت

واحد أتنين الجيش العربي فين الجيش العربي في مصر ساكن في مدينة نصر بيصحى من النوم العصر وبيفطر شاي و منين واحد اتنين الجيش العربي فين

الجيش العربي في سوريا حالق عالموضه كابوريا وعلى طريقه فكتوريا خلى الترماي بدورين واحد اتنين الجيش العربي فين

الجيش العربي الليبي زي الفن التكعيبي كله بتنجان يا حبيبي الظاهر واخد عين واحد اتنين الجيش العربي فين

الجيش العربي خليجي ما فيه حيل لا يروح ولا ييجي هذا صمت استراتيجي اش فيك يا غراب البين واحد اتنين الجيش العربي فين

الجيش العربي في تونس اخضر مثل البقدونس وعزيزه بتعشق يونس يبقى الحروبات بعدين واحد اتنين الجيش العربي فين

الجيش العربي سوداني سامع رنته بوداني هو انا هجم فرداني يالا ارجع يا ابو حسين واحد اتنين الجيش العربي فين

الجيش العربي اتهان يوم ما انضربوا الافغان وسكت في البوسنه زمان واحد اتنين الجيش العربي فين

و اود ان اضيف واحد اتنين الشعب العربي فين الشعب العربي في النسيان ملهي في لقمة عيشة لو حتى تراب و بتنجان و حد يروح يحارب و اوعاكم حد يقول للي مراحش يا وحش يا جبان

منة و طريق المعادي رايح جاي

| View Show | Create Your Own

لا استطيع البدء بدون توجيه الشكر لصاحبة الثناء و الشكر أو كما أحب دائما أن ادعوها ست البنات شيماء هانم على هذا الإهداء الجميل الذي لولاها ما كنت عرفته .

في البدء أود أن أتحدث عن شخص غير في حياتي الكثير. أخوته و صداقته لي لا استطيع وصفها إلا بأنني أتمنى على الله أن تستمر في الدنيا و في جنانه إن شاء الله

منذ بدأت أنا و هو ذهابنا إلى منة منذ أسبوعين و كنت أود أن اكتب لكم عن خواطري عن الفسحة الجميلة

منذ أمد و أنا اسأل نفسي لماذا لا تكتب بنفسك عن نفسك و تعبر عن مكنون ما بصدرك تجاه هذا الرجل و لا اجزم أن هذه محاولة بل نستطيع وصفها بأنها بداية بسيطة لأول المحاولة

هل تعرفون القدوة أو المثل الأعلى ... في كثير من الأحيان يكون هذا أو ذاك بعيدين عنا أو على الأقل في مقام اعلي أدبيا أو ماديا وننظر لهم باستشراف و تشرأب أعناقنا أدبا و احتراما و نحس أنهم يطلون علينا من عليين و نتحسب في كلامنا و علاقاتنا معهم حتى لا يتشوه جمال القدوة و لا روعة المثل الأعلى

هو يختلف عن هذا و أتصور انه في آن واحد ابسط و اعقد من ذلك فهو لا يخاف من عيوبه بل يواجهها و يجابهها و يصارحها أيضا هو يعطيك الإحساس بالحضن الكبير الذي لا تتهوه داخلة بل تعجب برحابته و يدفئك بأحاسيسه

اجزم أن دموعه من اصدق ما رأيت من الرجال و لذلك فهي أكثرهم حرارة و شجاعة تواجدي معه بكل حجج الدنيا يضفي علي سعادة جمة حتى لو صمتنا فكما يقولون الصمت جمال في حضرة الجمال

استمتع بالاستماع لمشاكله بالعمل و حروبه من اجل الكلمة القديمة جدا التي تسمى الشرف و الأمانة و هو عندما يحارب ليس كـ دون كيشوت يحارب طواحين الهواء بل ينشب مخالبه و يكشر عن أسنانه فالقيم لديه اعلي من أن يطأها بقدم تنتعل أغلى الاحذيه

أتمنى أن أكون في مثل أبوته لبناته يخترع الأعاجيب من اجلهن و أتمنى أن يكون عمرو ابني بإذن الله مثله في علاقته بوالده حفظه الله و مثل ايه و رنا في إعجابهن بوالدهن

يعجبني في هذا الرجل إحساسه العالي المتنامي بمن حوله بشرا كان أو جمادا أو حتى هواء

تعودت في حضرته أن أرى نفسي

أرقى و أسمى اعلم أن المدونات كالمذكرات الشخصية ولكن لأنه جزء كبير من شخصيتي و لأنني أدين له بجزء كبير من رضا النفس الذي أحسه الآن فوجب علي أن يكون أول من اكتب له و عنه